Breaking

Tuesday

பெரும் சர்ச்சையைத் தோற்றுவித்திருந்த வடக்கு மாகாணசபை விவகாரம் முடிவுக்கு வந்தது..!


பெரும் சர்ச்சையைத் தோற்றுவித்திருந்த வடக்கு மாகாணசபை விவகாரம் முடிவுக்கு வந்துள்ளது.

வடக்கு மாகாண முதலமைச்சர் மீதான பிரேரணையை மீளப் பெறுவதாக இரா.சம்பந்தன் தெரிவித்துள்ளார்.

அந்தக் கடிதத்தில் தெரிவிக்கப்பட்டுள்ளதாவது,
கௌரவ. நீதியரசர்- சீ.வி.விக்னேஸ்வரன்
முதலமைச்சர் வடமாகாணம்
அன்புக்குரிய விக்னேஸ்,
தங்களது 19.06.2017 திகதியிடப்பட்ட கடிதத்திற்கு நன்றி. நீங்கள் கூறியுள்ள அனைத்து விடயங்களையும் கவனத்தில் கொண்டுள்ளேன்.

மேலும் மூன்று நிபந்தனைகளின் அடிப்படியில் இந்தவிடயம் முடிவிற்குகொண்டு வரப்படவேண்டும் என தெரிவித்து ஸ்ரீலஸ்ரீ சோமசுந்தர தேசிக ஞானசம்பந்த பரமாச்சார்ய சுவாமிகள் மற்றும் பேரருட்திரு. வணபிதா. ஜஸ்டின் ஞானப்பிரகாசம் ஆகியோர் அனுப்பியுள்ள கடிதமும் கிடைத்துள்ளது.

சட்டபூர்வமானதும் சுதந்திரமானதுமான எந்தவொரு விசாரணைக்கும் இடையூறு விளைவிக்ககூடாது என்பதனை குறித்த இரண்டு அமைச்சர்களுக்கும் நான் தெரியப்படுத்துவேன்.
நான் தற்போது தொலைபேசியில் கௌரவ வடமாகாண ஆளுநரை தொடர்பு கொண்டு குறித்த நம்பிக்கை இல்லாப் பிரேரணை மீளப் பெறப்படும் என தெரிவித்துள்ள அதேவேளை சம்பந்தப்பட்ட நபர்களோடு தொடர்பிலுள்ளேன்.

எல்லாம் நலமாகவே அமையட்டும்.
நாம் வெகு விரைவில் சந்தித்தது பல பிரச்சினைகள் தொடர்பில் மேலதிகமான கலந்துரையாடலில் ஈடுபட எதிர்பார்க்கிறேன்.

உண்மையுள்ள
இரா. சம்பந்தன்
தலைவர்
தமிழ்தேசியகூட்டமைப்பு

செய்திகளை உடனுக்குடன் படிக்க Liked செய்யவும்

இந்த செய்தியை நண்பர்களுடன் பகிர்ந்து கொள்ள ..

No comments:

Post a Comment

LightBlog